Astagfirullah robbal
baroya
Astagfirulloh minal
khootooya
Robbi zidni
ilmannaafii’ah
Wawaffikni
amalansolihah
Yarosulalloh
salammunalaik
Yaarofiasaaniwaddaaroji
Atfataiyazi rotal
aalaamin
Yauuhailaljuu
diwaalkaromi
Yauuhailaljuu
diwaalkaromi
Ngawiti ingsun ngalar syi’iran
Kelawan muji maring Pangeran
Kang paring rohmat lan kenikmatan
Rino wengine tanpo pitungan 2 x
Duh bolo konco priyo wanito
Ojo mung ngaji syareat bloko
Gur pinter ndongeng nulis lan moco
Tembe mburine bakal sengsoro 2 x
Akeh kang apal Qur’an Haditse
Seneng ngafirke marang liyane
Kafire dewe ndak digatekke
Yen isih kotor ati akale 2 x
Gampang kabujuk nafsu angkoro
Ing pepaese gebyare ndunyo
Iri lan meri sugihe tonggo
Mulo atine peteng lan nisto 2 x
Ayo sadulur jo nglaleake
Wajibe ngaji sak pranatane
Nggo ngandelake iman tauhide
Baguse sangu mulyo matine 2 x
Kang aran sholeh bagus atine
Kerono mapan seri ngelmune
Laku thoriqot lan ma’rifate
Ugo haqiqot manjing rasane 2 x
Al Qu’an qodim wahyu minulyo
Tanpo tinulis biso diwoco
Iku wejangan guru waskito
Den tancepake ing jero dodo 2 x
Kumantil ati lan pikiran
Mrasuk ing badan kabeh jeroan
Mu’jizat Rasul dadi pedoman
Minongko dalan manjinge iman 2 x
Kelawan Alloh Kang Maha Suci
Kudu rangkulan rino lan wengi
Ditirakati diriyaadohi
Dzikir lan suluk jo nganti lali 2 x
Uripe ayem rumongso aman
Dununge roso tondo yen iman
Sabar narimo najan pas-pasan
Kabeh tinakdir sangking pangeran 2 x
Kelawan konco dulur lan tonggo
Kang podho rukun ojo dursilo
Iku sunahe Rasul kang mulyo
Nabi Muhammad panutan kito 2 x
Ayo nglakoni sakabehane
Alloh kang bakal ngangkat drajate
Sanajan asor toto dhohire
Ananging mulyo maqom drajate 2 x
Lamun palastro ing pungkasane
Ora kesasar roh lan sukmane
Den gadang Alloh swargo manggone
Utuh mayite ugo ulese 2 x
Yarosulalloh
salammunalaik
Yaarofiasaaniwaddaaroji
Atfataiyazi rotal
aalaamin
Yauuhailaljuu
diwaalkaromi
Yauuhailaljuu
diwaalkaromi
Al Fatihah
Tidak ada komentar:
Posting Komentar